小米手環 - 用後感及使用分享 [Android, IOS]

用了數天小米手環，在寫使用分享前先總結一下我對小米手環既用後感。

1. 使用簡單，基本上第一次設定後都可以不用再 set 任何東西。
2. 雖然它只是一個簡單的計步和監測睡眠儀器，但數據很準。
3. 它間接令我每日都主動地做更多運動。消耗更多卡路里。
4. 好慳電，基本上4日都係用左14-16%電，半個月差一次肯定沒問題。
5. 沒有測心跳次數的功能。
6. 來電振動很實用。但鬧鐘振動功能就較差，因為只震數下，好難叫醒我 :p

無論你用android 或者 ios 都可以support 小米手環的。
使用前首先要 download 個 app, 去google play search '小米手環 就可以搵到。

安裝完後，打開應用程式，應用程序會要求你登入或者註冊用戶。小弟我沒有小米Account 所以迫住要註冊一個，用家可以用電話號碼註冊或電郵註冊。最後我選擇用電郵註冊。（你懂的）

登入後，手環會振動，代表跟你的手機配對中，你只需輕按手環的金屬表面確認即可。之後，應用程式會要求你輸入一些簡單資料，性別／出生日期／身高／體重等。最後會update你輸入的資料到手環，數據參考應該是用作計算步數／卡路里消耗估算。 應用程式會跟據你輸入的資料建議你每日要走的步數，它建議我走8,000步，我就自己改了12,000。之後在設定中可以隨便更改的。

好，首次設定完後就可以按照平時一樣工作，吃飯，去玩，不用刻意留意著它。藍芽亦可關掉，因為手環內置有內存，可以儲存你的活動數據，等用家打開應用程式時會自動同步，非常方便。

當晚食完晚飯後，打開應用程式一看，發覺自己未達標就堅持早幾個站落車，散步返屋企。急步行了45分鐘約 3公里，消耗了220千卡。當日下午開始試用，計埋早上的步數，應該都達標。（第二天再試時，當你步數達標，手環會有振動提示。）

返到屋企緊係沖涼訓覺。小米手環是有防水設計的，可以帶著沖涼。第二朝起身，第一時間睇睇個 app。顯示了我昨晚的入睡時間、深層睡眠週期、連起身後懶床既時間都紀錄到:p
下面圖顯示了我 07:55 起床後，到08:12落床。





程式還有一些其他的運動統計功能，例如sit up，慢跑等⋯⋯ 其實 99蚊，真係物超所值。今次講住咁多先，仲要落街散步。

小米手環 - 開箱 [Android, IOS]

小米手環在大陸開售了一段時間，終於香港都有得賣啦。前兩天同事在網上購買小米電池，我見小米手環售價只是港幣99就順便買一隻黎玩玩。(最後忍唔住買埋價值15蚊既黃色更換手環）

估唔到小米送貨速度都幾快，隔日就到。小米手環包裝都唔錯，一慣小米其他產品包裝既風格。個SPEC都寫得好清楚。

開箱後，入面只有3樣東西，手環，差電線及說明書一份。手環同SENSOR可以拆開，可以方便差電或更換不同顏色手帶。

呢個就係我額外加15蚊既黃色手帶。SENSOR 套落新手帶有D緊，要用力，不過感覺幾好，唔會好易爛。SENSOR背後有小米既LOGO。

手帶總共有8格，個RANGE都幾大，手大手細都可以帶到，手帶全長約23CM 。

整體感覺，產品硬體質感都唔錯。Finishing 同 Detail 位都做得幾好。但個人覺得個外形設計就麻麻，不過99蚊都唔要求得咁多。好，新買返黎，差滿玩多幾日先出用後感。